admin
Admin
عدد المساهمات : 4190
نقاط : 11354
تاريخ التسجيل : 23/01/2011
 | موضوع: المحشى صعب،البشاميل بيكلكع،وحاجات تانيه كتير !!!!!...معانا مفيش مشكله  الأحد فبراير 27, 2011 6:36 am | |
| [ندعوك للتسجيل في المنتدى أو التعريف بنفسك لمعاينة هذه الصورة]بسم الله نبدأ
المكرونه بالبشاميل
كلنا جربناها
كلنا بنحبها
والبعض استعصى عليه امرها
عندى طريقه ارجو ان تنال القبول
جربتها وكانت سهله جدا
ولذيذه جدا جدا جدا
هتقلولى هيه ايييييييييييه؟
هناخد 3 ملعقه كبيره مليانه دقيق
ونضيف عليها كوب لبن
نخفق بالمضرب السلك
الى ان يمتزجا سويا
وتختفى اى كتل
نقوم باضافة 2.5 كوب لبن كمان
اى ان كل ما اضفناه
يعادل لتر لبن تقريبا
(ممكن خصم مقدار علبة قشده من مقدار اللبن ونضيف القشده بداله)
وذلك لطعم اجمل
نرفع الخليط على النارونقلب جيدا
الى ان يغلى
يغطى ويترك جانبا
فى طاسه تيفال ساخنه
بدون اى دهون
نشوح بصله مفرومه قليلا
نضيف اللحمه المفرومه ونقلب
على نار قويه الى ان يتغير لون اللحم وتنضج
نضيف الفلفل والقرفه والملح
تسلق المكرونه وتصفى
نعمل قليل من صلصة الطماطم
بالبصل والثوم
او نستخدم صلصه جاهزه حسب الرغبه
نضع قليل من البشاميل السابق فى صينية الفرن
ندهن القاع والاجناب
فى حلة سلق المكرونه
نخلط ثلثين مقدار البشاميل مع المكرونه
مع اضافة الملح حسب الرغبه
نقوم بصب نصف المقدار فى صينية الفرن
نضع اللحم العصاج
نصب باقى المكرونه
الثلث الباقى من البشاميل يخفق مع بيضه وفلفل اسود
يغطى به وجه المكرونه
والخطوه الاخيره
ممكن ان نرش جبنه موزريلا فوق البشاميل
تعطى مذاق لذيذ
ولكنها خطوه اختياريه
تدخل الفرن الى ان تنضج
وصحتين وعافيه
ااااااااااااه نسيت اقولكم
دى مكرونه 3*1
يعنى
سهله
خفيفه
وموفره
محشى الكرنب
انا فى الحقيقه جربت طريقه سهلته عليه جدا
ايه هى؟
هقولكم....
انا يا ستى بجيب الكرنبه
واحطها فى كيس
وعلى الفريزر
زى ما هى كده
تقعد لها كده كام يوم
بعدين اطلعها تفك
نص فكه بس
لو مش هحتاجها كلها
واقشر ورقه ورقه بمنتهى السهوله
واما فى السلق بقى
مش هقول اد ايه سهل
وتسلقى كذا ورقه مع بعض
مع اضافة زى ما انتو عارفين
ملح وكمون لمية السلق
بعدين قطعى واحشى زى ما تحبى
صنية مسقعه معتبره
بطريقه مبتكره
طبعا هنقلى الباذنجان عادى
بعدين نحطه فى الفريزر
نقطع فلفل رومى مكعبات صغيره
وممكن معاه فلفل حار
نقليهم فى الزيت
نقطع بطاطسايه مكعبات صغيره
وتقلى ايضا فى الزيت
تعصج اللحمه كالمعتاد
نعمل الصلصه كالمعتاد ولكن تقيله شويه
نخرج الباذنجان من الفريزر ويقطع هو الآخر مكعبات صغيره
فى صنية فرن
نضع طبقة باذنجان
ثم طبقة فلفل
ثم طبقة بطاطس
ثم لحمه
ونكرر
بطاطس
فلفل
باذنجان
ممكن نعمل اكتر من مرتين
حسب الرغبه
نصب الصوص بهدوء فوق المكونات
تاخذ غلوه على البوتجاز
رشة جبن موزريلا على الوجه
تدخل الفرن
الى ان يحمر وش الصنيه
وشوفى بقى سهولة الغرف والتناول
وبالهنا والشفا
بالنسبه لفكرة وضع الباذنجان فى الفريزر
فهى لتسهيل تقطيعه مكعبات
البقسماط الحى
لا ابدا والله
هو اسمه كده
وده ان شاء الله
يبقى تحفه فى البانيهات
وهو عباره عن
العيش الفينو
بس تحطيه فى الفريزر
ولو ممكن قبل ما تحطيه
تقطعيه قطع متوسطه
عشان يسهل عليكى
وبعدين لما تحتاجى بقسماط
تخدى الفينو وهو متلج
وتضربيه فى الكبه
بعدين تضفيله اى اضافه انت تحبيها
توابل،جبنه مبشوره
سمسم ،اللى انت تحبيه
وتشتغلى بيه
بس خلاص
يا رب الفكره البسيطه دى
تكون مفيده ليكم
كفته مشويه بطريقه صحيه
كلنا او معظمنا يحب الكفته
وطريقتها سهله كلنا عارفنها
بس انا حبيباتى عندى اضافه اننونه
على كل نص كيلو لحم مفروم
نضع من 2 الى 3 ملعقة برغل مغسول
انقعم لمدة ساعه فى ماء
اما بالنسبه للحم فبعد ميفك فى رف التلاجه السفلى
واثناء البرغل ما هو منقوع اكون سخنت فحمه كويس قوى
وفى حله محكمة الغطاء
اضع اللحمه النيه
اعمل حفره كده فى وسطها
اضع فيها ورقة بصل او قطعة فويل
واضع فيها شوية زيت
واتش فيها الفحمه واغطى كويس جداااااااااااااااا
واتركها شويه بره التلاجه
ثم توضع فى التلاجه لحد البرغل ما يبقى جاهز
يصفى ويعصر جيدا من ماء النقع
نحضر اللحمه ونزيل الفحمه والورقه
يخلط البرغل جيدا مع اللحمه وباقى المكونات
المعتاده من بصل وخضره وغيره
انا اضيف كمان معلقة كاتشاب
او هوت صوص المسكره
وممكن كمان عصرة نص ليمونه
وعلى يد ملعقه خشبيه تصبع الكفته
فى طاسه تيفال فارغه تماما وساخنه
اشوح اصابع الكفته
بعدين ادخلها الفرن لتكمل النضج
فى صينيه من دون اى زيت او سمن
الطماطم
ناس كتير لما سعرها بيرخص
بتجيبها وتعملها صلصه
طبعا دى حاجه جميله جدا وبتنفع كتير
بالذات لما السعر بيغلى
بس الحقيقه انا مبعملش كده
فى وجة نظرى
ايه اللى يخلينى
اعملها صلصه
بعد طبعا ما تكون خبططلها
على البوتجاز وقت مش قصير
بعدين اعبيها
ولما اعوز استخدمها ارجع
ازودها ميه او مرق تانى
الحقيقه انا متعوده اجيب الطماطم
اغسلها كويس
والحبه اللى لسه خضرا شويه
بسبها بره التلاجه شويه
فبتحمر
ازيل العنق والنقطه اللى من تحت
ولو فيه اى حاجه تانى
بعدين اعبيها فى اكياس
وعلى الفريزر
لما احتاج اطلع
كام واحده كده
حسب الاحتياج
اسيبها 10 دقايق
بعدين تحت الحنفيه
احطها من مكان ازالة العنق
فبيبتدى القشر يبقى سهل نزعه
اشيله واسيبها كمان عشر دقايق
(القشر بيبقى رقيق جدا زى ورقة السجاير
لو استنيتى عليها كتير
وهو بيتشال بيبقى سميك
يعنى بياخد من الطماطم نفسها)
وبعدين اضربها فى الخلاط عادى
مع شوية ميه او مرق
لو للمحشى او صلصة المكرونه
بابشرها بالمبشره
واحطها على البصل
واسيبها تتسبك
لو حسيت انها محتاجه سائل لسه
بزود حبة ميه صغيرين
[ندعوك للتسجيل في المنتدى أو التعريف بنفسك لمعاينة هذه الصورة] | |
|
