الاكله هى جلاش بالشوكلاته و المكسرات
المقادير
______
[ندعوك للتسجيل في المنتدى أو التعريف بنفسك لمعاينة هذه الصورة]نصف كيلو جلاش
شوكلاتة التورته العبوه الواحده 250 جرام و بتكفى و تفيض كمان ب 4 جنيه على فكره بس
لبن ( مش حنحتاج منه كتير 3 4 معالق بس)
زبده او سمنه براحتك ( انا اشتغلت بالزبده )
السكر طبعا
شوية مكسرات و لو حبه صغيرين اى كميه عندك ( انا كان عندى شوية بندق اشتغلت بيهم )
حبه واحده حبهان ( بتعمل جو جامد و طعم جميل فى الاخر مع المكسرات ) .. ( و
لو تلاحظوا حتلاقوا فى الصوره حبة الحبهان حطاها فوق باكو الزبده
)
و اى فاكهه لو تحبى للتزويق ( انا كان عندى فراوله فظبطت بيها
)
و حنحتاج نستخدم الخلاط
و حنعمل شربات كمان
طريقة الإعداد
__________
اول حاجه
نحط الشربات ع النار عقبال ما نجهز الجلاش و كده
كوبايه و نص سكر على كوباية مايه و نسيبهم ع النار ع الهادى
[ندعوك للتسجيل في المنتدى أو التعريف بنفسك لمعاينة هذه الصورة]نبدأ بقى نحط فى الخلاط المكسرات بتاعتها و الحبهان و 4 معالق سكر و 4 معالق زبده
[ندعوك للتسجيل في المنتدى أو التعريف بنفسك لمعاينة هذه الصورة]و حطى بقى حبه صغيرين لبن عشان يتقلب فيهم الخليط ده كله فى الخلاط
[ندعوك للتسجيل في المنتدى أو التعريف بنفسك لمعاينة هذه الصورة]و افتحى الخلاط لغاية ما تتهرس خالص المكسرات
[ندعوك للتسجيل في المنتدى أو التعريف بنفسك لمعاينة هذه الصورة]حيطلع الشكل النهائى كده
[ندعوك للتسجيل في المنتدى أو التعريف بنفسك لمعاينة هذه الصورة]سيبى بقى المكسرات على جمب و نبدأ فى الإعداد للجلاش
إدهنى الُرخامه زبده عشان الجلاش رقيق جدا لو الُرخامه مش مدهونه و مرنه حيتقطع منك
[ندعوك للتسجيل في المنتدى أو التعريف بنفسك لمعاينة هذه الصورة]تكونى فى نفس الوقت بتسيحى زبده على النار من فتره علشان ندهن بيها الجلاش
[ندعوك للتسجيل في المنتدى أو التعريف بنفسك لمعاينة هذه الصورة]ادهنى الصينيه اللى حتحطى فيها الجلاش زبده برضه
[ندعوك للتسجيل في المنتدى أو التعريف بنفسك لمعاينة هذه الصورة]تبدأى تحطى 4 5 طبقات جلاش و تدهنى زبده و تلفى و تقطعى و تحطى على جمب و بعدين 4 5 طبقات تانيين و تدهنيهم برضه و هكذا
[ندعوك للتسجيل في المنتدى أو التعريف بنفسك لمعاينة هذه الصورة]و بعد بقى ما تلفى الجلاش على كده و تقطعيه زى ما تحبى تحطيه فى الصينيه و
تدهنيه برضه تانى من فوق بالزبده عشان يحمر لما يدخل الفرن و تدخليه الفرن
بقى على مهله
[ندعوك للتسجيل في المنتدى أو التعريف بنفسك لمعاينة هذه الصورة]فى الوقت ده يكون طبعا زمان الشربات اللى حاطينه ع النار خلص ( بتعرفى انه
خلص لما تلاقيه مش سائل لكن تلاقيه متماسك معاكى شويه مش مايه كإنه طالع من
الحنفيه
[ندعوك للتسجيل في المنتدى أو التعريف بنفسك لمعاينة هذه الصورة]نبدأ بقى فى الوقت ده نسيح الشوكلاته ع النار ( بس على نار هاديه علشان
طعمها ميلسعش منك و تتحرق )بس عايزه اقول حاجه موضوع تسييح الشوكلاته ده
ميتمش غير بعد مده لما تدخلى الجلاش عشان لو سبتيها كده كتير بتتجمد تانى و
تضطرى تسيحيها تانى فالمفروض تكون دى اخر خطوه خالص و ممكن حتى بعد ما
يطلع الجلاش مش مشكله لانها بتسيح بسرعه
تحطى الشوكلاته و عليها 2 او 3 معلقه لبن
[ندعوك للتسجيل في المنتدى أو التعريف بنفسك لمعاينة هذه الصورة]حتلاقيها بدأت تسيح اهى و قلبيها بقى
[ندعوك للتسجيل في المنتدى أو التعريف بنفسك لمعاينة هذه الصورة]ده منظرها النهائى لما طلعت
[ندعوك للتسجيل في المنتدى أو التعريف بنفسك لمعاينة هذه الصورة]يبقى انا كده جاهز عندى المكسرات و الشوكلاته
[ندعوك للتسجيل في المنتدى أو التعريف بنفسك لمعاينة هذه الصورة]و ده منظر الجلاش بعد ما طلع من الفرن و اوعى تنسسسسسسى تحطى كل قطعه جلاش
فى الشربات شويه علشان ميبقاش ناشف او بعد ما تحطيه فى الطبق تشى شربات على
كله و تسيبيه يتشرب
[ندعوك للتسجيل في المنتدى أو التعريف بنفسك لمعاينة هذه الصورة]و ده منظر الشوكلاته لما حطيت عليها المكسرات و قلبتهم سوا كويس
[ندعوك للتسجيل في المنتدى أو التعريف بنفسك لمعاينة هذه الصورة]و بعد كده و الشوكلاته سايحه بالمكسرات ترشيها على الجلاش من فوق
[ندعوك للتسجيل في المنتدى أو التعريف بنفسك لمعاينة هذه الصورة]و بعدين انا ذوقتها بالفراوله
[ندعوك للتسجيل في المنتدى أو التعريف بنفسك لمعاينة هذه الصورة]و ادى الشكل النهائى ونسيها شويه تبرد و بالهنااااا و الشفااااااااااا و ادعولى بقى
[ندعوك للتسجيل في المنتدى أو التعريف بنفسك لمعاينة هذه الصورة]
الأحد أبريل 03, 2011 7:54 pm