الصلاة والسلام على أزكى المرسلين
بكتب بلاغي ..بلاغي ده .. بلاغ لرب العالمين
أقدم بلاغي ليك ياربي .. من ضعيف خايف حزين
رسولي حبيبي نبيي شفيعي.. وربي رب المظلومين

ببدأ كلامي بأعتذاري ..ف حق ديني
في حق دين المسلمين
أبدأ كلامي بأعتذاري .. ف حق نفسي
وانت القاضي .. وأنت المعين

مش خايفة حكمك .. لكني اخاف الغدارين
شايف ياربي كيد عدوك .. وكام وكام وكام وكام؟
بالأسلام متربصين

بقدم بلاغي وليك بناجي ..يارب عادل سميع عليم
بقدم بلاغي .. بكل خجلي ..ودموع عنية الغرقانين

بقدم بلاغي وأشتكيهم ..بأسمي وأسم المؤمنين

دول كل مرة بيغلطوا .. ويرجعوا متأسفين
وإحنا نقاطع البضايع
وبسماحة الأسلام متسامحين

لحد إمتى الظلم دة؟ وإحنا ليه ساكتين كده؟

قلنا محمد لأ ياناس
محمد مش اي رسول
ماجاش يبلغنا الرسالة
ولا جه بس عشان يقول
لأ ده حبيبنا بتفهموا ؟؟؟
ولا عقولكوا مضلمين ؟
متوهمين انهم متحضرين
التحضر عندنا اخلاق ودين
يا موحدين فهموهم .. علموهم
ان محمد النبي حبيب كل المسلمين

بقدم بلاغي .. وأشتكي لواحد أحد
قهار عظيم

عفوك إلاهي .. عفوك ياربي
إقبل بلاغي
إقبل يارب العالمين


مقدمة البلاغ : عبدتك من المستضعفين
سحر علي
وحسبنا الله ونعم الوكيل