admin Admin
عدد المساهمات : 4190 نقاط : 11354 تاريخ التسجيل : 23/01/2011
| موضوع: عصير السودانى باللبن السبت أغسطس 13, 2011 9:50 pm | |
| متستغربوش المشروب ده موجود عندنا فى محلات العصير وده مفيد جداً لأنه ملئ بمصادر الطاقة وخصوصاً فى الجو البارد اللى احنا فيه وده سهل و بسيط ومش محتاج مجهود المقادير: لكل كوب لبن بارد أو دافئ حسب الرغبة : 1 - ربع كوب سودانى محمص ومطحون فى الكبة أو مدقوق 2 - 2 ملعقة صغيرة سكر الطريقة: تضرب المكونات فى الخلاط | |
|
admin Admin
عدد المساهمات : 4190 نقاط : 11354 تاريخ التسجيل : 23/01/2011
| موضوع: رد: عصير السودانى باللبن السبت أغسطس 13, 2011 9:51 pm | |
| السلام عليكم ورحمه الله وبركاته عندى ليكم فكره كوكتيل سمعتها من الدكتوره مها راداميس ومن الدكتور عادل عبدالعال لما يكون مودك وحش او للحوامل اللى عندهم اكتئاب ومغذيه للكبار والصغار وهى كوب لبن نقطع عليه موزه ونحط عليهم شويه كورن فليكس ونحليهم بعسل النحل جميله جدا وانا مجرباها | |
|
admin Admin
عدد المساهمات : 4190 نقاط : 11354 تاريخ التسجيل : 23/01/2011
| موضوع: رد: عصير السودانى باللبن السبت أغسطس 13, 2011 9:51 pm | |
| عصير خوخ طبيعى (عصير رانى ) ياترى مين بيحب الخوخ ذى ؟ اكل مربى كمبوت واخيرا عصير خصوصا عصير رانى طعمه جنان بالصدفة كان عندى خوخ مستوى جدا عسلته وشلت البذرة وحطيته على النار مع شوية سكر وغليته غلوة وطفيت النار (فكرة تخزين المشمش ) وبعدين لما برد ضربته فى الخلاط مع التخفيف واضافة السكر والتصفية وبعدين قطعت فيه قطع خوخ صغيرة طعمه لذيذ جدا يارب تجربوه على فكرة ان خزنته وشربته فى رمضان طلع طعمه احلى من المشمش
| |
|
admin Admin
عدد المساهمات : 4190 نقاط : 11354 تاريخ التسجيل : 23/01/2011
| موضوع: رد: عصير السودانى باللبن السبت أغسطس 13, 2011 9:52 pm | |
| اليكم عصير الفواكهه المشكله ازاى بقى اقولكم فراوله جوافه موز وتفاحه واحده احسن من ماتعملى كل صنف لوحده باللبن ويقولوا اللبن بيمنع الفيتامينات والحديد يبقى تخلطى الفواكهه دى مع بعض وتحطى سكر حسب الرغبه واشربى بالهنا والشفا ويارب يعجبكم ان شاءالله | |
|
admin Admin
عدد المساهمات : 4190 نقاط : 11354 تاريخ التسجيل : 23/01/2011
| موضوع: رد: عصير السودانى باللبن السبت أغسطس 13, 2011 9:55 pm | |
| عاوزة تعرفى طريقة عمل حليب جوز الهند الغالى ..... تعالى معايا ... السلام عليكم ورحمة الله وبركاته حليب جوز الهند ممكن تعملوه فى البيت علشان لو اشتريتوه هتلاقوه غالى اوىىىىىىىىى
الطريقة يا حبايبى نجيب جوزة هند من عند الفكهانى ونكسرها ونبشر الجوز الهند الداخلى اللى جواها بمبشرة وبعدين نجيب حلة على النار ونحط فيها مية يعنى نصها مثلاً ( والحلة متكونش كبيرة ) وبعدين نسيب المية تغلى على النار وبعديبن نضيف عليها مبشور جوز الهند اللى بشرناه
وبعدين نطفى النار ونغطى الحلة كويس بغطاها بس كدا ونسيبها خاااااااااااااااااالص يومين او تلاته هتلاقوا المية اللى فى الحلة إتحولت لحليب كثيف وريحتو جوز هند خااااااااالص
نصفيه بمصفاة سلك علشان نشيل منو مبشور جوز الهند ومبشور جوز الهند مش هترميه انتى هتنشفيه على ورق ولما ينشف فى الهوا هتتستخدميه برضو فى الحلويات وهترشيه على حلوياتك اللى بتعمليها
بس كدا ... انتى كدا عندك احلى حليب جوز هند للكيكات والحلويات
وكمان عندك جوز هند مبشور تحفة للحلويات
وبالهنا والشفا
وكمان ممكن تاخدى من نفس الحليب ده وتدلكى فروة راسك وشعرك بيه وتسيبيه على شعرك من نص يوم ليوم كامل وبعدين تغسلى شعرك ... مش هتصدقى ان دا شعرك من شدة النعومة واللمعان والليونة ويوم ورا يوم هتلاحظى إن شعرك بيطول بإذن الله تعالى بس المهم انك يكون إعتقادك وثقتك فى ربنا قبل كل شيئ
وحليب جوز الهند مش بس للحلويات دا ممكن تضيفيه على طواجن الفراخ واللحمة وتتبيلة الفراخ واللحوم والأسماك بصفة عامة ومع الكوكتيلات وسلطات الفاكهة يعنى استخداماته كتييييييييييييييييييييييييرة اوى يعنى لما تعمليه ,,, عمرك ما هتندمى ولا تستغنى عنو
وابقوا ادعولى ومتنسوش التقييم
| |
|