منتديات حور الجنة
اهلا بك زائرنا الكريم يسعدنا زيارتكم وانضمامكم لنا ارجو التسجيل فى المنتدى والرد على المواضيع
منتديات حور الجنة
اهلا بك زائرنا الكريم يسعدنا زيارتكم وانضمامكم لنا ارجو التسجيل فى المنتدى والرد على المواضيع
منتديات حور الجنة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات حور الجنة

منتدى عام لكل الاسره
 
مطبخك يدل عليكى(صور) I_icon_mini_portalالرئيسيةالتسجيلدخول

 

 مطبخك يدل عليكى(صور)

اذهب الى الأسفل 
كاتب الموضوعرسالة
admin
Admin
admin


عدد المساهمات : 4190
نقاط : 11354
تاريخ التسجيل : 23/01/2011

مطبخك يدل عليكى(صور) Empty
مُساهمةموضوع: مطبخك يدل عليكى(صور)   مطبخك يدل عليكى(صور) Icon_minitimeالجمعة أبريل 22, 2011 8:36 am

طرق روعه لتنظيف المطبخ وادواته كمان

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا اجمل اصحاب لقيت ليكم شويه حاجات تحفه وطرق سهله جدا علشان نحل مشاكل مطابخنا

اكيد يوم تنضيف المطبخ كلنا بنحمل همه واولكم انا ببقي هاعيط والله

او يوم ما حماتك تكون معزومه علي الغدا يا سااتر يا رب خدي بالك كويس

هاتعمل نفسها ال ايه عايزه تساعدك وهي يا اختي عايزه تبص وتشوف

فخدي بالك كويس ويعني العزومه مش هاتخلص الا اذا ساعدتك

فخليكي ناصحه ومادخليهااااش وخليها علي نار هههههههههههههههههههه

انا بقي جبت لكم شويه طرق سهله وجميله نقضي بيها علي الحاجات دي

يالا نشوفها سوا

( 1) يا عيني علي البوتاجاز ودهون البوتاجاز :

حلها بقي

[ندعوك للتسجيل في المنتدى أو التعريف بنفسك لمعاينة هذه الصورة]

شوفي
يا قمر لو عايزة تتخلصي من أي آثار للدهون اللي موجودة على البوتوجاز
نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز
بيها وبعد كده امسحيه بإسفنجة مبللة بالميه وبكده يبقى البوتوجاز نظيف من
غير أي مجهود ولو عايزة زيادة في اللمعان يبقى امسحيه بورق جرائد مبلل
بالميه...

دي كانت طريقة،

فيه
طريقة تانية ودي ممكن تستخدميها لو كان البوتوجاز اللي عندك فيه دهون
ناشفة ومش عايزة تطلع يبقى ضعي على الدهون دي خليط مكون من نص كوباية ميه +
نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في
تنظيف البوتاجاز بنفس الطريقة السابقة.


(2) حله المطبخ

[ندعوك للتسجيل في المنتدى أو التعريف بنفسك لمعاينة هذه الصورة]

من
المشاكل اللي ممكن تقابلك وتبقي مش عارفة تعملي معاها إيه مشكلة إن الحلة
يكون فيها سواد من تحت وعلشان تتخلصي من المشكلة دي يبقى افركي السواد ده
بشوية ملح خشن وليمون وبعد كده اشطفيها كويس واغسليها بالصابون وفرشاة خشنة
وبعد كده اشطفيها كويس بالميه وهتشوفي الفرق بنفسك هتلاقي الحلة رجعت
جديدة.


(3 ) الكوبايات مش بتلمع

[ندعوك للتسجيل في المنتدى أو التعريف بنفسك لمعاينة هذه الصورة]

من
ضمن المشاكل اللي ممكن تقابلك مشكلة إن الكوبايات والأطباق مش بتلمع
بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش
فايدة!!!

وعلشان
تتخصلي من المشكلة دي يبقى بعد ما تغسليها بالصابون حطيها في طبق فيه ميه
فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها
على ترابيزة المطبخ علشان تنشف في الهواء من نفسها واوعي تنشفيها بفوطة
المطبخ لأنها هتخليها تفقد لمعانها.


أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.


(4) ريحه اللحمه ماسكه في المفرمه بأديها وسنانها

حلها ياسيتي ايه بقي

[ندعوك للتسجيل في المنتدى أو التعريف بنفسك لمعاينة هذه الصورة]


ساعات
كتير لما تيجي تفرمي لحمة في المفرمة ريحة اللحمة بتفضل موجودة فيها ومهما
تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة
برضه.. نفس الموضوع ده بيتكرر لما تيجي تطحني بهارات ريحة البهارات برضه
بتلزق هي كمان...

وعلشان
تتخلصي من المشكلة دي نهائي يبقى هاتي عيش محمص واطحنية في المطحنة أو
المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة
اللي اتطحنت لأن العيش هيمتص أي ريحة.


( 5 ) الدهون اللي لازقه علي الاخلاط يا ساتر عليها

[ندعوك للتسجيل في المنتدى أو التعريف بنفسك لمعاينة هذه الصورة]

ساعات
كتير بتستخدمي الخلاط علشان تضربي فيه خليط فيه دهون بس للأسف الشديد
ساعات الخليط ده بيلزق فيه وبتبقي مش عارفة تطلعيه ازاي...


وعلشان
تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة
واقفلي الخلاط ورجي الخليط ده جواه أكتر من مرة كويس وبعد كده اغسليه زي
ما أنت عايزة وهتشوفي الفرق بنفسك.


(6 ) المعالق والشوك والسكاكين عايزه تلميع

[ندعوك للتسجيل في المنتدى أو التعريف بنفسك لمعاينة هذه الصورة]

علشان
تلمعي السكاكين والمعالق وأدوات المائده غير الفضية يبقى دوبي شوية مسحوق
غسيل في لتر ماء + عصير ليمونة وحطيه على نار هادية مع المعالق اللي أنت
عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية
ما يبرد وبعد كده اشطفي المعالق أو السكاكين بالميه وسيبيهم لغاية ما
ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه
جايباهم.


(7 ) ريحه البصل وما ادراكي ما البصل ماسكه في لوحه التقطيع

[ندعوك للتسجيل في المنتدى أو التعريف بنفسك لمعاينة هذه الصورة]

علشان
تتخلصي من رائحة البصل والثوم والسمك وغيرها من الروائح اللي ممكن تكون
موجودة على لوح التقطيع يبقى ادعكي لوح التقطيع بنصف ليمونة أو حطي عليه
طبقة معجون عبارة عن "كوباية ميه + بيكربونات الصودا "وسيبيهم لمدة ساعة
وبعد كده اغسليه كويس بالصابون والمية.


(8 ) سيراميك المطبخ مش عايزيلمع اعوذ بالله

[ندعوك للتسجيل في المنتدى أو التعريف بنفسك لمعاينة هذه الصورة]

علشان
تلمعي سيراميك المطبخ سواء سيراميك الجدران أو الأرض يبقى دوبي فنجان خل
أبيض + عصير ليمون + ملعقة كحول نقي "موجود في الصيدليات" في ميه فاترة
ولمعي بيه السيراميك وهتشوفي الفرق بنفسك.


ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.


(9 ) اسفنجه الحوض بقت مش نضيفه

[ندعوك للتسجيل في المنتدى أو التعريف بنفسك لمعاينة هذه الصورة]

بعد
ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش
نظيفة ونفسك ترجعيها زي الأول يبقى انقعيها في مية سخنة مضاف إليها ملح
خشن أو بيكربونات الصودا أو صابون الغسيل وبعد ساعة اغسليها كويس بالصابون
والمية.


(10 ) بقايا الاكل والدهون سدت حوض المطبخ

[ندعوك للتسجيل في المنتدى أو التعريف بنفسك لمعاينة هذه الصورة]

ساعات
كتير البلاعة الخاصة بالحوض ممكن تتسد نتيجة تجمع كمية كبيرة من بقايا
الأكل عليها أو الدهون وعلشان تتغلبي على المشكلة دي يبقى هاتي كوباية كلور
+ كمية كبيرة من المية وضيفيها إليها وافتحي حنفية المية السخنة لمدة عشر
دقائق وكل حاجة هترجع زي الأول وأحسن


يا رب تعجبكم الوصفات

الرجوع الى أعلى الصفحة اذهب الى الأسفل
https://fashion.forumegypt.net
 
مطبخك يدل عليكى(صور)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حور الجنة :: عالم المرآة :: مطبخ حواء-
انتقل الى: